Abu Dhabi Santiago Bernabeu

Real Madrid-in anmahni sponsortu International Petroleum Investment Company, United Arab Emirates te nena inremna angin an stadium hming chu 'Abu Dhabi Santiago Bernabeu' tiha thlak theih a ni.

Spanish club leh UAE oil company liante hian euro maktaduai 500-in inremna an siam a, stadium hming thlak chu an inremnaah hian telh a ni. Stadium hming thar tur hi 'Abu Dhabi Santiago Bernabeu' tura ngah ni mah se 'Cepsa Santiago Bernabeu' tih a ni thei bawk.

Stadium hming thlak chungchangah supporter ngaihdan a ingang lo a, duh lo tam tak an awm. Real Madrid president Florentino Perez chuan Santiago Bernabeu hming a la put dawn tho avangin club sulhnu tih hmel hemna a nih loh thu a sawi.

Real president Perez chuan, "Khawvela stadium ṭha ber zing ami sa tur chuan ba nasat tak neih loh chuan a theih loh. Ba neih loa stadium ṭha duh chuan 'stadium hming hralh' hi a tih theih dan awmchhun a ni. Sponsor aṭangin 400m - 500m euros a lak luh theih a, chu chu stadium thar man hu a ni," tiin a sawi.

Real Madrid hian sponsor aṭangin euro maktaduai 500 an hmu a, tuna an stadium mipui 81,000 lenna hi mipui 90,000 lenna tura chei ṭhat tum a ni a, beisei ang a hna an thawk tluan a nih chuan kum 2017-ah stadium siam ṭhat hi zawh a ni ang.

Real Madrid hian Bernabeu hi kum 1947 aṭang khan an hmang ṭan a, a hming put chhan ber Bernabeu hi Real Madrid player, manager leh president hlui a ni.