Kobe Bryant season a tawp

31st January, 2015

LA Lakers guard Kobe Bryant chuan January 21 a New Orleans nen an inkhelh ṭumin a dar ah hliam a tuar a, thla kaw chhung a inkhelh theih a beiseiawm loh.

Kobe Bryant hliam enkawltu surgeon Neal ElAttrache chuan, " A dam leh thuai turah kan beisei, beisei anga hma a sawn thei anih chuan season tharah chuan bul a ṭan thei ang," tiin a sawi.

Kum 1996 a Lalkers zawmtu Kobe Bryant hian nikum December khan Michael Jordan lehpelin NBA a score hnem ber pathumna dinhmun a hauh a, 2013-14 season ah inhliam vangin vawi ruk chiah Lakers tan a inlan thei a ni.