Ravel Morrison-a'n Lazio a hnaih

West Ham midfielder Ravel Morrison chuan club phalna thlapin Italy-ah Lazio nena contract lai lawk ziak turin a zin.

Manchester United player hlui kum 21-a upa Morrison hi report hmasa lamah Hammers-in Italy a zin an phal sak loh tih a awm a, amaherawhchu training a duh vangin a zin hun hi tih khaw tlai zawk a ni.

Morrison hian Lazio hi a zawm a nih chuan, England Under-21 player hlui career-a a club parukna tur a ni.

English player beiseiawm ber zing ami Morrison hi kum 14 leka upa a nih laiin Sir Alex Ferguson-a'n Paul Scholes-a hnua player talent a hmuh ṭhat leh ber a nih thu a sawi.

Field pawn lama a nungchang a ṭhat loh avangin Morrison hian beisei a pha lo a, Manchester United tan khelhna hmun a chang pha lo.

Kum 2012-ah West Ham united a zawm a, hetah pawh hian a nungchang a siam ṭha chuang lo. Birmingham City, Queens Park Rangers leh Cardiff City-ah loan-in a kal a, field chhungah chetṭhat tak tak a nei thei tawh lo. West Ham boss Sam Allardyce-a'n Morrison hi a nghah theih loh thu a sawi a, hei vang hian United player hlui hian London club hi a chhuansan a ṭul ta a ni.