West Ham United-in Fletcher an beisei zel

February 2-ah player lak theih hun a tawp dawn a, hun tam a awm tawh lo. West Ham manager Sam Allardyce chuan Manchester United aṭangin Darren Fletcher lak theih ngei a inbeisei.

West Ham boss Allardyce chuan, "Kan lalut ngei dawn chu ka ti thei lo. Hun tlem erawh kan la nei a, kawng a la inhawng a ni" a ti.

Kum 30-a upa Fletcher hi a khelh mekna Manchester United chuan free transfer-in club dang zawm an phalsak. West Ham hian tawnhriat nei ṭha Scotland captain hi lak luh ngei an tum a ni.

English media-te tun transfer-ah hian West Ham manager Allardyce hian Swansea striker Bafetimbi Gomis emaw Burnley forward Danny Ings emaw lei a tum tih an tarlang.

Hammer boss Allardyce chuan thuthang dik lo a ni tih sawiin, "West Ham hian kan mamawh tawk striker kan nei; Enner Valencia, Diafra Sakho, Carlton Cole leh Andy Carroll te kan kawl avangin tun season-ah kan mamawh belh tawh lo. Season tawp thil thleng tur chu hre lo mah ila striker pali duhthlan tur ka neihah hian ka lungawi tawk a ni," tiin a sawi.