Crouch-a'n contract pawtsei

Peter Crouch leh Glenn Whelan te'n Stoke City tana khel zel turin kum hnih atan contract an pawtsei.

Kum 33-a upa Crouch leh kum 31 upa Whelan hi season tawpa contract tawp ve ve tur an ni a, contract an pawhsei takah chuan 2017 thleng Britannia Stadium-ah an cham thei ang.

English striker Crouch hi Stoke player manto ber a ni a, kum 2011 khan pound maktaduai 10-in Tottenham a zawm.

Stoke manager Mark Hughes chuan, "Stoke ka zawm hma aṭangin player pahnih hian club tan tha nasa tak an lo thawh tawh a, club tana an chetṭhat chhunzawm zel hi ka beisei a ni," tiin a sawi.

England player hlui Crouch hian Stoke tan vawi 140 inlanah goal 37 a khung.

Republic of Ireland international Whelan hian kum 2008 khan Sheffield Wednesday aṭangin Potters hi a zawm a, Premier League-a Stoke hruai thlengtu zing ami a ni. Whelan hian club tan vawi 248 inlanah goal riat a khung.