Asian Cup 3-na UAE : Vawiinah final

Nimina Asian Cup pathumna zawnna inkhelah United Arab Emirates chuan 3-2 a Iraq hnehin pathumna an ni. Vawiin tlai dar 2:30 hian inelna thlengtu Australia leh South Korea-ten final an khel ang.

Inkhel chu

Newcastle Stadium-ah UAE leh Iraq inkhel en turin mipui 12,829 an pungkhawm.

UAE-in Ahmed Khalil hmangin minute 16-naah hma an hruai a, he goal hi minute 28-naa Waleed Saleem goal hmangin Iraq-in an sut. Minute 42-naah Amjad Kalaf-a'n Iraq goal hnihna a khung a, first half-ah goal dang a luh belh lo.

Second half-ah UAE an chungnung zawk a, minute 51-naah Ahmed Khalil hmanga an siphurh an sut a; minute 55-naah Ahmed Ibrahim-a'n penalty

aṭangin chakna goal a khung. UAE hi 3-2 in an chak.

Final chu

Stadium Australia, Sydney-ah Asian Cup final khelh tur a ni. Inelna thlengtu Australia hi Asian Cup-a an la champion ngai loh avangin kumin hian champion an tum ruh hle.

An khingpui tur South Korea hian Asian Cup match nga an khelh tawhah goal an la chhuah miah lo a, group stage-ah Australia hi 1-0 in an hneh.