Parma-in coach D'Aversa an ban

Italian club Parma chuan an coach Roberto D'Aversa an ban a, a hmun ruak hi Lecce manager hlui Fabio Liverani-a'n a hnawhkhat tura ngaih a ni. Nimin tlai thleng kha chuan contract erawh an la ziak fel lo thung.

Kum 45 mi D'Aversa hian third division aṭangin Parma hi Serie A-ah a hruai kai, 2015 khan sum lam harsatna vangin fourth division-ah an tlahniam hial. Mahse 2016 khan D'Aversa-a'n Serie C 

aṭanga kaihruai ṭanin hun rei lote chhungin nasa takin hma a sawn pui.

Season hmasa khan Italian football inelna sang berah 11-na ni chungin hun tawp an hmang a, an thlen chin hi a nep lo. Amaherawhchu Parma hiah coach nen an inṭhen thu sawiin, "Hmasawn zel kan duh, club chhung boruak leh thil hrang hrang a thlen hnuah kan inṭhen.

"Parma tana D'Aversa hna thawh zawng zawngte kha theihnghilh a ni dawn tawh lo, a bul ṭhut aṭanga lungphum nghet tak min phumsak avang khan a chungah kan lawm takzet. A kal zelna turah duhsakna kan hlan," tiin an coach an thlah thu an sawi.