Kazakh MotoGP a awm dawn lo

Tun season atan Kazakhstan MotoGP a awm dawn lo, inelna hi a tirah chuan neih tura ruahman ni mah se kum tir lama tui lian nghawng vangin bike intlansiak hi an nei thei dawn lo.

Kazakh MotoGP a awm dawn loh takah chuan Emilia-Romagna MotoGP a awm thung dawn a, inelna buatsaihtu lam chuan September 22 hian Italy rama Misano tlankawngah inelna neih a nih tur thu hi an tichiang nghal.

Misano-ah hian San Marino Grand Prix pawh tlan a ni dawn a, chawlhkar hnih inkarah MotoGP an thleng dawn tihna a ni a, tlankawng ngaiah rider ten inelna an hmachhawn ang - a pawimawh dan a nep dawn chuang lo a ni.

Hripui Covid 19 len lai kum 2020 leh 2021 khan Emilia-Romagna GP hi an lo tlan tawh bawk.

Khawvela bike intlansiakna sang berah hian, tun season kal laiah Francesco Bagnaia chuan point 222 hmuin hma a hruai mek, amah hnaih bertu Jorge Martin (212 points) nen an inthlau lo.

August 4, Pathianni tlai dar 5:30 hian Silverstone tlankawngah British Grand Prix an tlan leh ang.