Nadal-a'n hnehna a chang

Rafael Nadal chuan singles match a khel leh tawh a, a match hmasa berah a chak. Thawhlehni zan khan Swedish Open khelh laiah Nadal hian Leo Borg chu 6-3, 6-4 a hnehin last 16 a inhlangkai.

Kum 38 mi Nadal hian Spain tan Paris Olympic 2024 khelh ngei a tum a, hei vang hian Wimbledon pawh a khel lo. Infiamna khawmpui lian atan inbuatsaihna a nei chho ṭan a, bul a ṭan fuh hle.

Spanish star Nadal hi singles bakah doubles huangah a inlan a, a ṭanpui Casper Ruud nen inkawpin quarterfinal an lo inhlangkai tawh bawk, a fitness ti ṭha turin theihtawp takmeuh a chhuah.

Grand Slam vawi 22 champion tawh Nadal chuan, "Ka khingpui kha tennis legend Bjorn Borg fapa a ni a, tennis chhungkua nena inzawm tlat an ni a, theihna sang tak neiin hmabak êng tak a nei bawk, a hma hun atan duhsakna ka hlan," a ti.

Nadal hian a match lehpekah chuan Cameron Norrie a hmachhawn leh ang, Britain tlangval hi seeded pangana a ni a, tun inelna neih laiah seeded pangana a ni phak - Nadal tan fimkhur taka khelh a ngai dawn tihna a ni.