Intlansiak parukah sprint race

Formual 1 thuneitute chuan season thar an hman dan tur ṭhenkhat an ti chhuak leh der tawh, intlansiak neih hma ni chiaha an tlan ṭhin sprint race chu kum tharah hian vawi ruk a awm dawn.

Sprint race-ah hian point a hmuh theih a, hei vang hian a pawimawh. Season tharah chuan - China, Miami, Belgium, US, Brazil leh Qatar Grand Prix-ah te an nei ang.

F1 chairman Stefano Domenicali chuan, "Sprint race hi hlawhtling takin kan nei chho mek a, intlansiakte tan kawng a inhawn zau bakah a entu lam tan a manhla hle bawk.

"Tun hma chuan Pathianniah intlansiak entu an tam hluai a, ni dangah an tlem ṭhin. Tunah chuan Zirtawpni aṭangin mihring kan pungkhawm hnem thei ta hle, hei hi F1 tan thil ṭha a ni," tiin a sawi.

Khawvela car intlansiakna sang ber hian season tharah hian kum 75 a tling dawn - sprint race chauh lo pawh hi a lawmna leh thil dang an buatsaih chho zel ang.