Pogba leh Real Madrid an indawr

Juventus midfielder Paul Pogba agent Mino Raiola chuan Real Madrid-in a player chu lakluh ngei an tum thu a sawi a, Spanish club nen indawrna an kalpui mek thu a pha lo.

Raiola chuan, "Real Madrid nen kan indawr ṭan a, Paul hian Real Madrid leh Zinedine Zidane te a ngaihsan avangin hei hian thutlukna a siam kawngah a pui khawp ang," tiin French midfilder hian Italian club a chhuahsan ngei hmel hle.

Manchester United tan match sarih chiah a inlan hnua Juventus pantu midfielder man hi Raiola chuan pound maktaduai 90 chunglam a nih tur thu a sawi bawk a, a thusawi hi a dik a nih chuan free transfer-a Pogba la luttu Juventus tan chuan hlep hlang a ni dawn.

Kum 23 leka upa midfielder hian kum 2012-a Juventus a zawm hnuah match 178 khelin goal 34 a khung sak a, Serie A nomawi vawi li chawipuiin Italian Cup-ah vawi hnih a champion pui a, Champions League silver medal pholan tur a nei bawk.