Aegon Classic champion Keys

Hmeichhe tennis grass court-a inelna Aegon Classic chu Pathianni khan final khelh a ni a, Madison Keys chuan Barbora Strycova lakah straight set a hnehna changin kumina a vawi khat nan champion nomawi a chawi.

American Keys hian semifinal-ah player langsar Carla Suarez Na-varro a lo hneh tawh a, final-ah hian 6-3, 6-4 in hnehna a chang zui leh. Chak lo zawk Strycova hi a vanduai thei hle a, Aegon Classic-ah hian tun hnai kum thum chhunga final-a ṭum hnih a chak lohna a ni.

Kum 21-a upa Keys hi tun hmain player langsar tak a la ni ngai lem lo a, WTA ranking-ah a vawi khat nan a sang 10 zingah a inhlangkai ve dawn a ni.