Skrtel hmalam hun a chiang lo

Tun hnaia chhuak tur anga sawi Liverpool defender Martin Skrtel chuan a hmalam hunah engmah thutlukna a la siam loh thu sawiin Euro-ah chiah a rilru a dah thu a sawi. Nizan khan Slovakia chuan Skrtel-a captain-na hnuaiah hian England an hmachhawn a, he chanchin buatsaih a nih lai hian an result kan hre hman lo.

Kum 2012-a Liver-pool Player of the Year-a thlan Skrtel hi Fener-bahce leh AS Roma nen sawizawm mek a ni a, Turkish club hian pound maktaduai 5.5-in an la lut dawn niin khawthlang media-te chuan an tarlang hman hial.

Mahse, Slovak Foot-baller of the Year-a ṭum li lai thlan ni tawh defender chuan, "Ka hmalam hun chungchang chu Euro zawhah min zawt rawh u, tunah chuan engmah thutlukna ka la siam lo," tiin England nen an inhmachhawn hmaa thuthar thehdarhtute a kawmnaah a sawi a ni.

Kum 31-a upa defen-der hian nikum nipui laiin Anfield-ah kum thum dang cham turin contract thar ziak mah se Jurgen Klopp-a'n Liver-pool a pan hnuah hmun pawimawh a chang phak lo. Kum 2016-ah match li chiah inkhel bul a ṭan a, Mamadou Sakho, Dejan Lovren leh Kolo Toure te aiin German coach hnuaiah a tla tlum lo zawk.

January, 2008-a Zenit Saint Petersburg aṭang-a Liverpool zawmtu Skrtel hi kum 2007-a Reds zawmtu Lucas Leiva tih lohah chuan Liver-pool player zinga An-field-a cham rei ber a ni a, season kua Mer-seyside club tana a khelh chhungin match 319 a inlana, goal 18 a thunsak.