Mkhitaryan chhuahna tur dal hi sual a ni - Raiola

Manchester United nena sawi--zawm hlawh mek Henrikh Mkhitaryan-a agent chuan a player-in Old Trafford a pan theihna kawng dal chu sual tihna ang hiala a ngaih thu a sawi.

Kum 27-a upa midfielder hian Manchester United zawm duh mah se a club khelhna Borussia Dort-mund chuan an player pawimawh pahnih Mats Hummels leh Ilkay Gundongan an chan tawh avangin Armenian midfielder hi chhuahtir an phal lo a ni.

Football khawvela agent hriat hlawh Mino Raiola chuan, "Mkhi-taryan-a'n Manchester United a pan theih nana inbiakna hi ka titawp a nih chuan chu chu sual a ni ang. Eng taka thil thlir ṭhin mi ka ni a, a tawpna duhawm tak kan thlen beisei lo ila inbiakna hi ka kalpui lo ang," tiin Dortmund
aṭanga Mkhitaryan chhuahtir theih a inbeisei hle.

Season hman zawh taka inelna hrang hranga goal 23 khungtu midfielder hian Signal Iduna Park-ah kum khat dang cham turin contract a la nei a, Dortmund lamin contract thar zawrh mah se a ziak duh lo.

Raiola chuan sawi chhun-zawm-in, "Manchester United-in Mkhi-taryan an la lut duh tih ka hriatna hian min ti lawm em em a, inbiakna pawh boruak ṭha tak hnuaiah neih mek niin Dortmund erawh an dinna ngaiah an la ding reng," tiin German club chuan an midfielder lakah an ngaihdan an la thlak loh thu a sawi.

United manager thar Jose Mou-rinho-a'n season thar atan players a thli thlai ṭan a, Villarreal aṭangin defender Eric Bailly a la lut tawh a, Mkhitaryan bakah hian Zlatan Ibrahimovic a beisei mek bawk.

Sweden captain agent ni bawk Raiola chuan, "Manchester United hi club ropui tak an ni a, coach ropui tak an nei bawk. Mahse, Zlatan hian thutlukna a la siam lo a, Euro-ah a la buai rih a ni," tiin Zlatan-a chungchang a sawi lang nghal.

Euro khelh meka beisei la phak lo Ibra hian Manchester United piah lamah Europe-a club ṭhenkhat, China leh United States aṭang tein sum tam tham tak hlawh tura sawmtu a nei nia sawi a ni.