Ronaldo a ṭawng chhuak

Euro 2016-a an match hmasa berah Portugal-in Iceland chu 1-1 in an inhnehtawkpui a, an match hnihnaah Austria chu goal khung loa in-hnehtawkpui lehin an in-nghahna Cristiano Ronaldo chuan Austria lakah penalty a hlah bawk.

Portugal tan vawi 128 inlana ram tana inlan hnem thei ber dinhmun a luah zana penalty pet goal lo tu Ronaldo-a'n sawisel a tawk nasa a, Real Madrid tana a ropui angin ram tan a ropui thei lo.

Kum 31-a upa for-ward chuan, "Hei hi football chu a ni a, kan beisei angin thil a kal vek lo. Chance tam tak kan insiam a, mah se a tawp kan khar ṭha thei lo - kei pawhin penalty ka pet goal lo a ni," tiin beisei ang result hmuh loh chu football-in a ken tel ve reng a nih thu a sawi.

Real Madrid tana Champions League no-mawi chawi hlim forward chuan sawi chhunzawmin, "A pawimawh ber chu beiseina kan neih chhun-zawm zel hi a ni a, min ṭawiawmtu Portuguese mipuite chungah lawmthu ka sawi a ni. Kan inkhelh leh turah kan theihna zawng zawng kan hlan a ṭul dawn a, last-16 luh hi kan la beisei tlat tur a ni," a ti.

Portugal hian Nilaini zanah an group match hnuhnung ber chu Hunga-ry nen an khel dawn a, last 16 lut tur chuan hnehna an chan a ṭul ang.