Formula 1 Rosberg-a'n hnehna chang ve leh ta

Pathianni khan Formula 1 Eu-ro-pean Grand Prix tlan a ni a, Mer-cedes driver Nico Rosberg chu pakhatna niin a hnungah hian Sebastian Vettel leh Sergio Perez te an thleng ve bawk.

Tun season-a intlansiak pariatna hi an tlan tluang hle a, safety car tlan luh a ngaih loh bakah accident thleng a awm lo bawk. German driver hian kawng kawi hmasa ber aṭanga hmahruai ṭanin kumina a vawi nga nan hnehna a chang.

World champion lai Lewis Ha-milton-a'n 10-na aṭangin intlansiak bul ṭanin pangana dinhmun a luah a, British driver hian intlansiak hnuhnung pahnihah hnehna chang mah se European GP-ah hian podium a lawn phak ta lo a ni.

Driver championship-ah Ros-berg hian point 141 hmuin hma-hruaitu a ni zel a, point 117 hmutu Hamilton chu pahnihna niin world champion vawi li ni tawh Vettel chuan point 96 hmuin pathumna dinhmun a luah bawk.

European Grand Prix Results

1 Nico Rosberg Ger Mercedes

2 Sebastian Vettel Ger Ferrari

3 Sergio Perez Mex Force India

4 Kimi Raikkonen Fin Ferrari

5 Lewis Hamilton Gbr Mercedes

6 Valtteri Bottas Fin Williams

7 Daniel Ricciardo Aus Red Bull

8 Max Verstappen Hol Red Bull

9 Nico Hulkenberg Ger Force India

10 Felipe Massa Bra Williams