Vardy-a'n Arsenal a hnar dawn?

Arsenal-in lakluh tuma an hellai Leicester City striker Jamie Vardy chuan King Power Stadium-a cham chhun-zawm turin Arsenal sawm-na a hnar dawn niin khawthlang media-te chuan an tarlang.

Kum 26-a upa striker contract-ah hian pound maktaduai 20-a a chhuah theih tur thu ziah tel a ni. Hei hi hriain Arsenal chuan pound maktaduai 20-in Foxes an dawr a, English striker hi kar khata £120,000 hlawhtir an inhuam bawk.

Arsenal-in Vardy an rim rualin Leicester chuan an striker hi kar khata £100,000 hlawh turin con-tract thar an zawrh ve nghal a, Feb-ruary lawka kum thum dang cham tura contract an ziahpui stri-ker hi kum li daih contract an zawrh.

Emirates stadium-a kum thum cham a, kum khat dang ziah belh theih tura Vardy sawmtu Arsenal chuan England international lakluh an tumna kawngah an sum inhuam zat tihsan an tum lo a, Vardy hian a hnar a nih chuan striker dang zawn mai an duh zawk niin an tarlang.

Premier League season hman zawh taka goal 24 khungtu Vardy hi Arsenal chuan Euro hma khan thutlukna siam turin lo ngen tawh mah se kum 2012-a Fleetwood Town aṭanga pound maktaduai 1-a Leicester zawmtu striker hian Euro-a a rilru pek phawt a duh thuin a chhang a ni.