Ligue 1 AS Monaco an chak zo lo

France rama football inelna sang ber Ligue 1 chu tun kar tawp khan 2020-21 season khelh ṭan a ni a, inkhel ngaihven hlawh berah Nico Kovac enkawl AS Monaco chu an mikhual Reims nen 2-2 in an inhnehtawk.

Monaco hian tun hnai season hnih chhung chu manager an thlang fuh hleithei lo. Beiseina sang tak nen Bayern Munich manager hlui Kovac an lalut a, an duh ang result erawh an nei nghal thei bik lo.

Mikhual lamin Biulaye Dia (5') leh El Bial Toure (21') hmangin hma an hruai a, an mualah Kovac-a naute an mualpho dawn niin a lang hman. Mahse chawlhlawk hmain Axel Disasi-a'n si phurh a sut ṭhen bakah Benoit Badiashile chuan second half-ah a sut zo.

Champion lai Paris Saint-Germain leh Lyon te erawh Champions League lama an thlen san avangin an ram league an la khel ṭan ve thei lo. August 29 zanah PSG hian league match khel turin Lens an lenchilh zui nghal ang.