Pirlo thawhpui tur an ti chiang

Juventus coach Andrea Pirlo chuan nimin khan season thara a hna thawhpui tur a ti chiang a, assistant manager atan Igor Tudor a hmang dawn. Tudor hi Turin club nena inhnimhnai leh inzawmsa a ni.

Igor Tudor hi tun hma chuan Juve tan a khel ṭhin, inkhelh a chawlhsan hnuah Croatian national team assistant coach a ni a, chumi hnuah Hajduk Split, PAOK, Karabükspor, Galatasaray leh Udinese pawh a enkawl tawh.

Pirlo leh Tudor te hi Italy team lama sulhnu nei tawh Roberto Baronio leh Antonio Gagliardi ten an pui bawk ang. Italy international hlui Pirlo hi kuminah Juventus Under 23 team enkawl tura tih a ni a, hun rei lote hnuah first team enkawl tura ruat a ni. Team enkawl lamah tawnhriat a la nei mumal bik lo.