WADA president-in ngaihdam a dil tur a ni - Haggerty

Maria Sharapova-i dan hremi John Haggerty chuan, World Anti-Do-ping Agency (WADA) president Craig Reedie chuan Rus-sian star chung--changa a thusawiah ngaihdam a dil ngei tur a ni, a ti.

Thawhṭanni khan WADA symposium, Lon-don-ah Reedie hian Grand Slam vawi nga champion tawh Sharapova-'n kum khat chhunga a sum lakluh ṭhin chu WADA kum khat budget $30 million (26.5 million euros) ai pawha a san zawk thu tihel deuh takin a sawi.

Kum 29-a upa Sharapova hi damdawi hman phal loh meldonium a hmang tih hmuh chhuah a nih avangin kum hnih chhung inkhel thei lo tura hrem mek a ni a, tunah hian infiamna lama thubuia ngaihtuahtu sang ber Court of Arbitration for Sport hnenah hremna hi ti nep emaw hlip tur emaw in a khing let mek a ni.

Sharapova-i dan hremi Haggerty chuan, "WADA president thusawi kha mi puitling tih awm lo tak a ni a, Reedie khan Maria leh tennis player hlawhtlingte hriatah ngaihdam a dil ngei turah ka ngai. A nih loh chuan WADA hian player-te hi an sum lakluh leh ranking aṭangin en dan hrang an neiah an ngaih phah thei ang," tiin a sawi.

Tun hnai kum 11 chhungin Sharapova hi hmeichhe infiammi zingah lawmman leh thil-dang aṭanga sum lalut hnem ber a ni char char ṭhin a, mahse hrem a nih hnuah a sum lakluh tla hniam ve deuhin world number 1 Serena Williams chuan a rawn khum ve ta chauh a ni.