Aston Villa player thar Elphick

Premier League a-
ṭanga tla hniam Aston Villa chuan Bournemouth aṭangin Tommy Elphick chu kum thum chhung cham turin an la lut.

Villa manager thar Roberto di Matteo tan El-phick hi a player lakluh hmasak ber niin central defender man a tan hian pound maktaduai 3 an seng.

Kum 28-a upa Elphick hian a captain-na hnuaiah kum 2015 khan Cherries chu Championship aṭangin Premier League-ah a kai pui a, season khat chhung England-a football inelna league sang ber a khelh hnuah a sang ber dawtah a khel leh ta zawk dawn a ni.

Season hmasa khan a ke rek na vangin khelmual chhungah a hmel kan hmu tan lo a, match 14 chiah khelin a club te hi league-ah 16-na dinhmun a luahpui.