Wanyama manah Spurs leh Saints inrem

Premier League pathumna Tottenham Hotspur chuan Sou-thampton midfielder Victor Wanyama manah pound maktaduai 11 an phal a, club pahnihte hi an inrem tawh niin khawtlang thuthar thehdarhtute chuan an ziak.

Kenya international Wanyama hian kum 2013 khan Celtic
aṭangin pound maktaduai 12.5-in Southampton hi a zawm a, Saints-a amah lo enkawl tawhtu boss Mauricio Pochettino chuan White Hart Lane lamah seng luh leh a duh a ni.

Season hmasa ṭan dawn khan kum 24-a upa Wanyama hian a club hnenah hian chhuah a lo dil tawh a, mahse chhuak ta loin Saints hi league-ah parukna a nih pui. A club tan hian inelna hrang hrang hrangah match 85 a khelh tawh aṭangin goal li a khung ve tawh bawk.

Season thara Champions Lea-gue khel tur Tottenham hian Wan-yama hi an la lut a nih chuan kumin nipui chhunga an player lakluh hmasak ber a ni ang.