Brazil coach atan Tite a chiang

Copa America group stage aṭanga an tlak hnua coach Dunga ban-tu Brazilian Football Confederation (CFB) chuan an ram coach thar atan Corinthians boss Tite chu an ti chiang ta.

Kum 55-a upa mana-ger hian Rio Olympic zawhah an ram team hi a enkawl ṭan dawn a, Olympic-a an ram team hi chu U20 boss Micale chuan a kaihruai dawn a ni.

Tite hian Corinthians a enkawl chhungin league title pahnih, Copa Li-bertadores (South Ame-ri-can Champions League) leh World Club Cup no-mawi pakhat ve ve a chawipui a, Brazil football-ah a mikhual lo hle.

Brazil coach thar hian an ram team a enkawl hma hian club 13 a enkawl tawh a, Brazil club zingah Gremio, Atletico Mineiro leh Palmeiras te kaihruai tawhin Asia ram lamah United Arab Emirates club Al Ain leh Al Wahda a lo enkawl tawh bawk.