Balotelli-a'n Besiktas a zawm dawn lo

Tun hnaia Besiktas zawm tur anga sawi Mario Balotelli agent Mino Raiola chuan a player chuan Turkish club hi a zawm loh tur thu a sawi. Liverpool striker hian AC Milan-ah loan-in season duhawm lo tak a hmag zo a, Anfield lam hian Italian striker hi neih let an chak lo nia sawi a ni.

Raiola chuan Besiktas leh Balotelli sawizawmtu Turkish media-te kapletin, "Mario hi Besiktas nen inbiakna ka neihpui lo hrim hrim. Turkish media-te hi dawt muhlum ziah lamah chuan an zuan a zang hle a ni," a ti.

Liverpool-in tlarhmaa chhawr turin Daniel Stur-ridge, Divock Origi, Danny Ings leh Roberto Firmino-te an nei a, Christian Benteke chu club dang pan tur anga sawi a ni bawk. Italian club zingah Balotelli hi Sampdoria leh Lazio ten siamṭhat theih an inbeisei nia sawi a ni a, China ram aṭangin sum tam tham takin an dawr bawk.