Champhaiah Indigenous Games

Tualchhung infiamna chi hrang hrang hmanga inelna 'Mizoram Indigenous Games 2024' kal zelah, nimin khan Champhaiah inelna neih a ni. Inelna hi Central YMA nena ṭanghoin, YMA branch hrang hrangten an hmachhawn a ni.

Indigenous Games hi Doordarshan Kendra Aizawl buatsaih niin, nikum khan Doordarshan Directorate aṭangin project pakhat ‘Broadcasting Infrastructure & Network Development’ (BIND) a siam a, a sum tumtu pawh BIND hi a ni.

Inelna hi district hrang hrangah neih niin, a hmasa ber chu kumin February thla khan Serchhipah neih a ni. Hemi hnu hian - Khawzawl (March 19-20), Saitual (March 21-22), Mamit (May 2-3), Kolasib (May 9-10) leh Hnahthial (June 20-21) ah te neih a ni tawh.

Champhai hnuah hian Siaha, Lawngtlai leh Lunglei bakah kumin October thla hian Aizawlah neih a ni ang a, chumi hnuah district hrang hrangte inelna 'Satte Level Grand Finale' buatsaih a ni bawk ang.