MLS player naupang ber Sullivan

Major League Soccer club Philadelphia Union midfielder Cavan Sullivan chu MLS-a inlan thei naupang ber a ni. Nimin khan Philadelphia hian MLS-ah New England Revolution chu 5-1 in an hneh a, minute 85-naah kum 14 mi Sullivan hi luhtir a ni.

Sullivan hi kum 14 leh ni 293 mi niin, kum 2004-a Freddy Adu record lo siam tawh chu a khum. A hunlaia player beiseiawm Adu hian kum 2004 khan DC United tan MLS match a khel a, kum 14 leh ni 306 mi a ni.

Philadelphia midfielder Sullivan hi North American player zinga team sport-a inlan thei naupang ber a ni nghal a, May thla khan amah chher liantu Philadelphia tan hian homegrown contract a ziak - MLS-a homegrown contract hlu ber a ni.

Sullivan-a contract-ah hian kum 18 a tlin huna Manchester City a zawm theihna dan a tel a, Sullivan chuan, "City inkhel hi ka en fo a, naupang tan chuan anni ang club-a khelh hi duhthusam a ni," a ti a, amah chungchanga City leh Philadelphia an inrem lawk thei chu a lawm thu a sawi.

Hetihlai hian Adu chuan, "I record siam avangin Cavan Sullivan ka lawmpui che a, thil harsa tak i ti a ni. I ti ṭha takzet a, duhsakna ka hlan a che," a ti bawk.