Marseille tana khel tur Greenwood

Manchester United striker Mason Greenwood chuan Marseille a zawm dawn a, French club-ah hian medical a nei dawn - he thuziak i chhiar meuh chuan an inrem fel tawh hial mai thei.

English forward hian Ligue 1 club hi mimal thilah inremna a neihpui tawh a, a man hi euro maktaduai 30 bawr vel tur niin, kum 2029 thleng khel turin French club-ah hian contract a ziak ang.

Greenwood hian mipat hmeichhiatna lama a mualpho avangin, January 2022 hnu khan United tan a khel leh tawh lo a, February 2023 khan a thubuaiah thiam chang tawh mah se, Red Devils lam hian chelh an tum ta chuang lo.

Kum 22 mi Greenwood hian season hmasa kha Getafe-ah loan-in hun a hmang a, match 36-ah goal 10 khungin assist vawi ruk a nei a, tunah chuan Ligue 1 lamah chona thar a hmachhawn dawn.

Marseille hian coach thar atan Brighton & Hove Albion boss hlui Roberto de Zerbi chu an lo la lut tawh a, beiseina an nei sang hle.