Barca player thar Pjanic-a'n Covid-19 a kai

Barcelona midfielder thar Miralem Pjanic chuan Covid-19 a kai tih hmuhchhuah a ni a, Catalan club chuan an player-in Covid-19 a kai thu hi puangin in lamah a inkhunghran thu an sawi. 

Kum 30 mi Pjanic hian a taksa lamah harsatna a tawk hran lo niin Barca chuan an sawi a, ni 15 chhunga Barcelona a pan tur thu an puang. Pjanic hian Serie A champion Juventus aṭangin Barcelona hi a zawm a, Brazil international Arthur chuan Italian club lam hi a zawm ve thung a ni. 

Season hman zawh takah khan Barcelona hian kum 12 hnua a vawi khat nan nomawi chawi loin season an khar a, September 12-ah season thar atana La Liga an match hmasa ber chu an khel ang.