Nadal a chak zel

Rafael Nadal chuan Paris Olympic 2024 khel turin inbuatsaihna a nei ṭha chho mek zel. Ningani zan khan Swedish Open-ah Cameron Norrie hnehin quarterfinal a inhlangkai.

Nadal hi hliam vangin a inkhel mumal lo rei hle a, grass court inelna lian Wimbledon pawh a khel lo. Tun hnaiah rawn kir lehin Britain tlangval Norrie hi 6-4, 6-4 in a hneh a, a match lehpekah chuan Mariono Navone a hmachhawn leh ang.

Grand Slam vawi 22 champion tawh Nadal chuan, "French Open hnua tournament ka khelh lehna hmasa ber a ni a, player ṭha Cameron te ang ka paltlang thei hi chu thil lawmawm a ni," a ti.

Kum 38 mi Nadal hian tun hmain Olympic gold medal pawh a lo la tawh, kuminah hian Carlos Alcaraz nen doubles huangah Spain aiawhin an khel ang.