LDFA Super Cup hmawrbawkna

Lunglei District Football Association (LDFA)-in 2024-2025 season atan tournament a buatsaih hmasak ber LDFA Super Cup 2024 chu a hmawr bawk a ni dawn ta. Vawiin chawhnu dar 1:00 hian Venglai FC leh Chanmari FC ten nomawi an in chuh ang.

Inelna hi C. Ṭhuamluaia Mual, Lungleiah neih niin, final khel tur pahnih hi LDFA hnuaia first division club pahnih an ni a, tun inelna neih laia team ṭha pahnih an nih avangin a hmuhnawm khawp ang.

Tournament-ah hian LDFA hnuaia club inziak lut 24 zinga 17 an tel. Division thliar hrang loin July 7 aṭang khan knockout system hmanga khelh a ni.