Milan striker thar Alvaro Morata

AC Milan chuan Spain forward Alvaro Morata chu Atletico Madrid aṭangin an la lut, season li daih contract an ziahpui a, hei bakah hian kum khat dang atana pawhsei theih turin an ti bawk.

Morata-a man zat hi chiang taka tarlan a ni lo, hetih lai hian Italian chanchinbu mite chuan a club hmasa aṭanga pound maktaduai 11 senga lei chhuah theih tih inziak chu an hmang ṭangkai niin an sawi.

Kum 31 mi Morata hian Real Madrid aṭangin a football zinkawng a zawh ṭan, chumi hnuah Juventus, Chelsea leh Atetico Madrid tan a khel a, season hmasa khan La Liga match 32 aṭangin goal 15 a khung.

Milan chuan thuchhuah siamin, "AC Milan chuan Atletico Madrid aṭangin Alvaro Morata kan la fel. Ani hi Spain captain niin European Championship-ah khan an ram chu hlawhtinna a chanpui a ni.

"Kan hnena cham turin June 30, 2028 thleng daih contract a ziak a, kum khat dang atan pawh sei theih a ni bawk ang. Jersey number 7 a ha dawn a ni," tiin an sawi.

Morata hian tawnhriat a nei ṭha tawh, club lian tan a khelh kual tawh bakah an ram Spain tan match 80 aṭangin goal 36 a khung tawh. Euro 2024 leh UEFA Nations League 2023-ah te an ram a hlawhtlinpui tawh bawk.