Mizoram snooker thiam ber Lalsangzela

Mizoram Snooker & Billiards Association (MSBA) buatsaih - Mizoram State 6 Red Snooker Ranking Tournament 2024 chu Inrinni zan khan zawh fel niin Lalsangzela, Khatla South a champion.

MSBA Hall, Hawla Indoor Stadium, Republic Vengthlanga final-ah Khatla South veng mi ve ve Lalsangzela leh K. Lallawmkima te an inhmachhawn a. Lalsangzela hi 6-2 in a chak.

Mizoram State 6 Red Snooker Ranking Tournament 2024-ah hian Mizoram hmun hrang hrang aṭangin snooker player 30 chuang an inlan. Mizoram State Sports Council-in a sponsor a ni.

Khatla South tlangval Lalsangzela hi kumin tir lam khan Mizoram State 6 Red Snooker Ranking Tournament 2024-ah a lo champion tawh a, March thla khan Mizoram State 9 Ball Pool Championship-ah pakhatna niin, Mizoram State 9 Ball Pool Ranking Tournament-ah pahnihna a ni bawk.