LDFA Super Cup champion Chanmari

Lunglei District Football Association (LDFA)-in 2024-2025 season thara tournament a buatsaih hmasak ber 'LDFA Super Cup 2024' zawhfel takah Chanmari FC an champion.

Inrinni khan C. Ṭhuamluaia Mualah final khelh niin, inkhel hmuhnawmah Chanmari FC hian Venglai FC chu 2-1 in an hneh. Chanmari tan Lalrinnunga leh MC Lalhlimpuia ten an khung a, second half-ah Venglai tan Lalpekhlua Jongte chuan goal khat sut ṭhen mah se goal dang a lut tawh lo.

Tournament-ah hian LDFA hnuaia club inziak lut 24 zinga 17 an tel. Division thliar hrang loin July 7 aṭang khan knockout system hmanga khelh a ni.