South Sudan lakah US an tho chhuak

Basketball khawvela inbarakhaihna lian ber kan hmu teuh hle a, mahse a tawpah erawh team ṭha leh ropui United States an chak leh ta zawk, an khingpui South Sudan chu 101-100 in an hneh hram.

Paris Olympic khel turin ram hrang hrang an inbuatsaih mek - US mipa basketball team pawhin inbuatsaih nan nimin zing khan South Sudan hi an hmachhawn. O2 Arena, London-a inkhelah US hi point 16 ngawtin ah hnufual hman a ni.

South Sudan hian mak tak maiin quarter hnihna an khelh laiin 58-42 in hma an hruai a, chawlhlawk laiin point 14-in an sang zawk. Basketball thiam leh larna ram US chu mualpho mai thei dinhmunah an ding hman.

Amaherawhchu, hun tawp hma chiahin LeBron James chuan lay-up hmanga bakset neiin an ram hi hma a hruaipui a, hma an hruai hun hi hun tawp hma second riat chauh awm tawh a nih avangin South Sudan an tho chhuak hman tawh lo.