Euro 2016 Spain hmachhawn tur Italy
2016 European Champion-ship-ah team 24 an tel a, team 16-in knockout stage an lut. Team tel an tam avangin first round hmuhnawm tawk lo mah se last 16 erawh a hmuhnawm nghal dawn. Champion rinkai Spain leh beisei aia cheṭha Italy an an intawng nghal dawn a, Euro 2012 final rematch hi football ngainatute tan hmaih phal chi a ni lo ang.
Fixture kalhmang
Team 24 hi group parukah ṭhen-hran an ni a, group tin aṭangin team pahnihin last 16 an luh chian nghal bakah group tina pathumna zinga ti ṭha team paliin knockout stage an lut bawk.
Group stage aṭangin team pariat chiah an tlak avangin ram ṭha bik tan knockout stage luh a awlsam. Amaherawhchu fixture kalhmang a dan deuh avangin last 16-a an hmachhawn tur chhut lawk a harsa a, group hmahruaitu nih vangin ram
ṭha a pumpelh theih chuang loh.
Italy an vanduai
Antonio Copte kaihhruai Italy-in an match hmasa berah champion rinkai zinga sawi tel Belgium an hneh a, hemi hnu hian Sweden hneh zuiin group hmahruaitu nichiang hmasa ber an ni. Amaherawhchu Azzurri an vanduai a, knockout stage-a an khingpui tur chu Euro 2012 final-a 4-0 laia an hneh loh Spain an ni.
La Roja hi Group D hma-hruaitu ni tura ngaih ni mah se group match hnuhnung ber-ah Croatia lakah 2-1 in an chak lo. Spain hian goal an khung hmasak zawk bakah penalty an hlah a, champion lai vanduaina vang hian Antonio Conte leh Vicente del Bosque te pahniha pakhat zawk hi chuan quarterfinal an thleng zo dawn lo.
Hodgson-a risk sual
England-in group leader ni turin an match hnuhnung berah Slovakia hneh a ṭul a, Roy Hodgson-a'n an dinhmun ṭha tawhah ngaiin player enchhinna atan a hmang. Wales an hneh ṭuma starting eleven aṭangin England manager Hodgson-a'n player paruk a thlak a, inkhel thunun chungin Slovakia lakah goal an khung lo. Hetihlai hian Wales erawhin Russia 3-0 in an hneh a, Group B hmahruaitu an ni. Fixture awm theih dan thlirin Gareth Bale te ram hian final an thleng ta thut a nih pawhin thil mak lutuk a ni tawh lo!
England hian last 16-ah nizan lama inkhel Group F pahnihna an hmachhawn dawn a, Portugal tih loh chu Three Lions tana hlauh tur an awm lo. Amaherawhchu England hi hmahruaitu an nih loh avangin quarterfinal-ah inelna thlengtu France hmachhawn thei dinhmunah an ding a, semifinal-a an hmachhawn theih zingah Spain, Italy leh Ger-many te an awm bawk. England hian final kalkawng hi hmu lawk thei se chuan Slovakia lakah khan point thum hlawhchhuah ngei tumin nasa zawkin an bei ang.
Slovakia leh N. Ireland an him
Group A-ah pathumna Albania-in point thum chiah an hmu a, Germany hneh lotu Northern Ireland leh Turkey-in point thum chauh an hmu bawk. Hei vang hian pathumna zinga point li hmu tawh Slovakia chuan Group C inkhel zawh rualin last 16 an lut.
Point thum hmu pathum zingah Northern Ireland chu goal difference-ah an ṭha ber a, Group D inkhel zawh rualin knockout stage an lut tih a chiang leh bawk. Germany laka goal khat an chhuah hnu pawha goal venhim an tum tlatna khan Northern Ireland tan rah ṭha a thlen a ni.
Hmunruak pahnih
Pathumna zinga pali lut turah Slovakia leh Northern Ireland-in last 16 an lut tawh a, he thu i chhiar meuh chuan a dang pahnih pawh a chiang tawh ang. Turkey leh Albania ten point thum ve ve an hmu a, an goal difference a inang chiah bawk a, amaherawhchu goal difference nei ṭha zawk Turkey dinhmun a ṭha zawk.
Turkey leh Albania tana thu lawmawm awm tur chuan Group E leh Group F-a pa-thumna ten point thum an hmuh tlin loh a ngai a, an lo hmu tling a nih pawhin goal difference-ah anni aia an hmuh ṭhat loh a ngai ang.
# 3-na team awmna group France (1A) Vs Wales (1B) Vs Germany (1C) Vs Croatia (1D) Vs
1 A B C D N. Ireland (3C) Turkey (3D) Albania (3A) Slovakia (3B)
2 B C D E N. Ireland (3C) Turkey (3D) Slovakia (3B) 3E
3 B C D F N. Ireland (3C) Turkey (3D) Slovakia (3B) 3F
4 B C E F 3E N. Ireland (3C) Slovakia (3B) 3F
Note :
1. Group E leh Group F inkhelh hmaa Group ABCD te hmachhawn theih chu a chunga tarlan ang hi a ni a, he thu i chhiar chuan engkim a chiang tawh dawn.
2. Pathumna team hi A, B, C leh D aṭanga tling a nih chuan table chung ber hi Group ABCD winner te hmachhawn tur a ni : France Vs N. Ireland; Wales Vs Turkey; Germany Vs Albania; Croatia Vs Albania.