Payet-a'n ṭha berah a inngai lo

Euro 2016 khelh meka khel ṭha ber ang hiala chhal ngam French midfielder Dimitri Payet chuan France player zinga ṭha ber a nih loh thu a sawi a, Paul Pogba leh Antoine Griezmann te chu France innghahna ber an ni , a ti.

West Ham midfielder chuan, "France player
ṭha ber ka ni lo a, Antoine Griezmann leh Paul Pogba te hi mipui pawhin an beisei leh sawi ber an la ni. Switzerland laka an khelh dan kha in en chuan player ṭangkai tak an ni tih kan hmu a, dinhmun sang zawk thleng zel tur chuan anni pahnih hi kan mamawh chu an ni," tiin a indah ṭha thiam hle.

Payet chuan ṭha taka a khelh theih chhan sawiin, "Euro ṭan tirh aṭang khan nuam ti takin ka khel a, mahni inrintawkna nasa tak ka neih avangin pressure nei em em loin ka khel thei a ni," tiin nuam ti taka a inkhelh ṭhin thu a sawi.

Kum 29-a upa Payet hian Euro khelh mekah match thum khelin goal ropui pahnih a khung a, a match thumnaah subsitute bench aṭanga tlan lutin goal khung lo mah se post a pet per leh hram.