Argentinos coach thar Heinze

Manchester United defender hlui Gabriel Heinze chu Argentina second division club Argentinos Juniors enkawl turin lakluh a ni a, inkhelh a chawlhsan hnua a club pahnih enkawlna tur a ni.

Kum 38-a upa manager hian season hmasa ṭan dawn khan an ram division sang ber-ah Godoy Cruz enkawlin bul a ṭan a, mah se Argentina Primera Division club-ah hian match 10 a enkawlah vawi hnih chiah hnehna a chan avangin an ban lehnghal.

Real Madrid tan pawha lo khel tawh defender chuan, "Sulhnu nei ropui tak club ka enkawl dawn avangin ka tan chuan chona phurawm tak a ni a, hmasawnna tam tak hmu turin he hmunah hian ka lokal a ni," tiin Argentinos a zawm chhan a sawi.

Gabriel Heinze hian player a nih laiin United leh Real bakah club lar zingah AS Roma leh Marseille tan pawh a lo khel tawh a, Argentina tan vawi 72 inlan tawhin goal thum a khung.