Roma-ah El Shaarawy a nghet

Italian club lian AS Roma chuan Stephan El Shaarawy chu a nghetin an la lut. Italy forward hian kum 2020 thleng Stadio Olimpico-a cham turin contract thar a ziak.

Season hmasa chaw-hnu lam khan Shaarawy hian AC Milan aṭangin Roma hi loan-in a zawm a, Roma hian a ngheta an la lut duh a nih chuan euro maktaduai 13 an sen a ngai ang tih an ziak tel.

Italy international for-ward hi tunah chuan Euro 2016 khelin France-ah a awm mek a, Premier League club hrang hrang Everton, Arsenal leh Liverpool te pawhin an ngaihven nia sawi ṭhin a ni.

Roma tan league match 16 a khelh aṭanga goal riat khungtu El Shaarawy chuan, "Club nghet ka nei ta hi ka lawm a, Milan-ah khan hun nuam tak hmang tawh mah ila tunah chuan Roma-ah beiseina thar ka nei ta zawk," tiin a sawi.

Roma hian Slovakia de-fen-der Norbert Gymobe chu an lo la lut fel tawh bawk.