Leicester player thar Hernandez

Premier League cham-pion Leicester City chuan Spanish defender Luis Hernandez chu kum li chung atan free transfer-in an la lut.

Kum 27-a upa Her-nan-dez hi Spanish La Liga club Sporting Gijon player niin June thla hian a contract neih lai a tawp dawn a, 1 July-ah hian Foxes a zawm ang.

Center back Hernan^-dez hi Real Madrid aṭang-a inzir chhuak ni mah se Real tan hian senior team-ah a khel phak lo a, kum 2012 aṭanga season liam ta thleng khan Gijon tan hian match 140 a khel hman.

Champions League khel tur Claudio Ranieri-a'n player thar a dap belh zel a, Burnley aṭangin defender Michael Keane chu pound maktaduai 10-in lakluh an tum bawk.

Manchester United aṭanga inzir chhuak kum 23-a upa Keane hian season hmasa kan Burnley tan khelin Championship title an lak theih nana player pawimawh a ni. Season thara Premier League khel tur Burnley hian Foxes-in an player lakluh an tumna chu an hnawl sak rih thung.