Euro zawhah Zlatan a chawl dawn

Sweden striker ropui ber ang hiala sawi ṭhin Zlatan Ibrahimovic chuan Euro 2016 khelh zawh ruala ram tana inkhelh a chawlhsan tur thu a puang a, nizan khan Belgium nen inkhelin an results a zirin Zlatan-a tan ram tana a match hnuhnung ber a ni thei.

Kum 34-a upa striker chuan, "Ka hnathawh ropui takte hi ka chhuang em em a, ka kalna apiang-ah Swedish flag hi chu ka keng tel zel tawh ang," tiin international football chawlhsan dawn mah se Sweden chu a thinlung luahtu a nih reng tur thu a sawi.

Swedish striker piang tawh zinga ropui ber ang hiala an sawi Zlatan hian nizana Belgium an hmachhawn hma thleng khan ram tan match 115 a khel a, goal 62 khungin Sweden tana goal khung hnem ber a ni.