Real-ah Morata a kir

Spanish club Real Madrid chuan kum 2014-a Juventus lama an kal tir striker Alvaro Morata chu Santiago Bernabeu lamah an la let leh ta. Real hian Morata an hralh tirh khan an duh chuan pound maktaduai 23-a an lak let theih tur thu an ziah tel avangin pound maktaduai 23 hian an la let.

Arsenal leh Chelsea nen pawha sawizawm hlawh hman Morata hian Euro khelh mekah goal thum a khung tawh a, Juventus tan season hnih a khelh chhungin inelna hrang hrangah goal 27 a khung a, Serie A (2), Coppa Italia (2) nomawi chawipuiin Champions League final a lo hruai thleng tawh bawk.

Real hian Morata hian Snatiago Bernabeu a chhuahsan leh dawn a nih chuan a man zatah amah lei tur club chuan pound maktaduai 57 tal insen an huam a ngaih thu an ziak a, an youth system chhuak hian Italian club a pan hmain Real tan match 52 khelin goal 11 a khung sak a ni.