Farah an hrem dawn lo

Wimbledon leh US Open doubles champion Robert Farah chu damdawi hman phal loh a ei tel tih hriat chhuah ni mah se a chungah hremna lekkawh a ni dawn lo, a tihsual hi tum reng vanga ti a nih loh vang a ni.

Kum 33 mi Farah hi damdawi hman phal loh zinga mi 'Boldenone' a ei tih hriat a ni, hei vang hian thla hmasa khan hrem lailawk a lo ni tawh. Mahse, he damdawi hi an ram Colombia lama sa (meat) a ei zinga lo tel palh a ni.

International Tennis Federation (ITF) chuan thil thlen dan an zirchiang a, a thil eina hmuna ei ve dangte pawhin he thil hi an ei tel tih hriat a ni - tum reng leh sual vanga thil ti sual a ni lo.

Farah hian tun hmain chanchin danglam a lo nei tawh bawk, 2018 khan pawisa inthapna lam chu social medai lamah a lo fak mawipui avangin inkhel thei lo tura hrem a nih bakah £3,800 (Rs. 3,49,419) chawitir a lo ni tawh bawk.