De Gea a lo kir hnai

Manchester United goalkeeper hlui David de Gea chu khelmualah a kir leh hnai tawh a, a sawmna neihte a thlifim ṭan mek niin khawthlang media-te chuan an tarlang.

Kum 33 mi De Gea hian kum 2023 khan United hi a chhuahsan a, Old Trafford a chhuahsan hnuah club nei loin a awm zui - season khat tawp chu inkhel loin hun a hmang.

Spanish keeper hi Major League Soccer leh Saudi Pro League club, an hming tarlan lem lohte chuan an ngaihven nia sawi a ni a, Serie A leh Premier League hming lam rik a ni bawk.

Mahse, De Gea hian English football-a kir leh tumna a nei lo a, khawthlang media-te chuan karleh lamah chuan Spanish keeper hian a hma hun a tichiang dawn niin an sawi.