Messi leh Suarez tel dawn lo

Lionel Messi chuan Major League Soccer (MLS) All-Star Game a khel dawn lo. Inter Miami captain hi a kerek hliam vangin a chawl mek a, hei vang hian a thiam zualte inkhelhnaah a hmel a lan thei dawn lo a ni.

Argentina captain bakah hian Inter Miami tana a khelhpui Luis Suarez pawh a tel dawn lo, a khup hliam vangin a inkhel thei rih lo a, hetih lai hian Sergio Busquets leh Jordi Alba te erawh an inlan thei dawn thung.

Ballon d’Or vawi riat dawng tawh Messi hi Copa America final-a Colombia an hneh ṭumin a inhliam a, hei vang hian Toronto FC leh Chicago Fire an hneh ṭum pawhin a inlan lo, a inkhelh theih hun tur hi sawi chian theih a la ni lo.

MLS All-Star te hi Mexico league Liga MX lama player ṭhate nen an inkhel dawn a, mipui tana ennawm buatsaih chu an thil tum lian a ni ang. Ningani zing dar 5:30 hian an inhmachhawn dawn a ni.

MLS All-Star Squad

Goalkeeper: Roman Burki (St. Louis CITY), Hugo Lloris (LAFC), Maarten Paes (FC Dallas).

Defender: Jordi Alba (Inter Miami), Moise Bombito (Colorado Rapids), Rudy Camacho (Columbus Crew), Justen Glad (Real Salt Lake), Aaron Herrera (D.C. United), Thiago Martins (New York City), Steven Moreira (Columbus Crew), Luca Orellano (FC Cincinnati), Keegan Rosenberry (Colorado Rapids).

Midfielder: Luciano Acosta (FC Cincinnati), Sergio Busquets (Inter Miami), Mathieu Choiniere (CF Montreal), Evander (Portland Timbers ), Hector Herrera (Houston Dynamo), Robin Lod (Minnesota United), Diego Luna (Real Salt Lake), Hany Mukhtar (Nashville), Darlington Nagbe (Columbus Crew), Riqui Puig (LA Galaxy).

Forward: Christian Benteke (D.C. United), Federico Bernardeschi (Toronto FC), Denis Bouanga (LAFC), Juan Hernandez (Columbus Crew), Petar Musa (FC Dallas), Gabriel Pec (LA Galaxy), Diego Rossi (Columbus Crew).