Mexico coach thar chu a hlui

Javier Aguirre chu Mexico coach atan ruat a ni, an ram team hi ṭum thum a enkawlna tur a ni a, tun hma lama a player ni ṭhin Rafael Marquez chu assistant coach a ni ang.

Mexican football federation chuan an coach chhuak ta Jaime Lozano hmun ruak luah tur an zawng a, kum 2026 World Cup thlengtu an nih dawn avangin team ṭha leh nghet tak din thei tur an zawng a ni.

Kum 65 mi Aguirre hian 2002 leh 2020 World Cup-ah khan an ram a lo kaihruai tawh a, a thiam zual 16 zingah a inhlankaipui. Tunah chuan Mexico tana World Cup vawi nga khel thei Marquez nen chona an hmachhawn ang.

Mexico national team director Duilio Davino chuan, "Mexico national team tan chuan, tun dinhmunah Aguirre aia ṭha an awm lo turah kan ngai, ani hian tawnhriat a ngahin ramin a mamawh pawh a hria.

"Ani bakah hian Rafa pawhin player a nih laiin tawnhriat tam tak a lo nei tawh, kan ram tana player pawimawh ber anga chhal theih a ni. Chuvangin anni pahnih kaihhruaina hi kan ring tawk," a ti.

Japan leh Egypt te pawh lo enkawl tawh Aguirre-a match hmasa atan September thla hian New Zealand leh Canada te nen friendly match an khel ang, an tum ber chu World Cup khel tura team ṭha tak din a ni ang.