Marketa Vondrousova a inhnukdawk

Tokyo Olympic hmeichhe tennis silver medalist Marketa Vondrousova chu Paris Olympic 2024-ah a inlan thei dawn lo, a ban na vangin infiamna khawmpui lian aṭang hian a inhnukdawk a ni.

Czech Republic nula hian Japan ramah khan silver medal a lo vaw chhuak nawlh tawh a, season hmasa khan khawvel mak tih turin seeded pawh ni phak lo chungin Wimbledon title a lo la tawh bawk.

Kuminah erawh Wimbledon khel leh mah se hneh nei loin a tla nghal a, kum 1994 hnuah champion lai ni chunga first round-a tla leh hmasa ber a ni hial, hliam nei zuiin tunah chuan a chawlh rih a ngai a ni.

Tun dinhmunah world number 18 niin Paris Olympic hi khel thei ni se la chuan seeded 12-na ni phak tur a ni a, mahse a hmun ruakah midang an awm a ngai dawn ta zawk a ni.