MSL Playoff League Stage a zo ta Hollow an tling zo ve ta lo

MSL Playoff-in hmawr an bawk hnai tawh a, a tira team panga kha tunah chuan team pali chiah an awm tawh. MSL playoff League stage ni hnuhnung ber chu Inrinni khan khelh zawh a ni.

Inkhel hmasa zawkah Bethlehem BC in Hollow BBSP chu 84-77 in an hneh a, Hollow an tla a, semifinal lut tur a chiang. Inkhel hnuhnung zawkah KK Basketball Club-in Chawnpui VR4 chu 95-93 in hneh mah se semfiinal-ah Tuikual South an pumpelh phah lo.

Naktuk hian Tuikual South leh Chawnpui te'n semifinal hmasa zawk an khel ang a, a hnuhnung zawkah Bethlehem BC leh Chawnpui VR4 te an inhmachhawn ang.

Hollow BBSP tan rawlthar duhawm Zonunsanga chuan point 24 lai thun mahse a team a chhandam zo lo. Bethlehem lamah point 20 hlawhchhuaktu Lalruatfela Hnamte leh ARC aṭanga an lak RL Famkima'n point 16 a nei ve bawk.

Inkhel hmasaah Hollow an chak loh avangin inkhel hnuhnung zawk khelh meuh chuan semifinal khel tur a chiang tawh. KK Basketball Club-in Chawnpui VR4 hneh turin overtime an mamawh a, 95-93 in an chak.

KK tan dan pangngaiin Malthantluanga bawk a che ṭha leh a, point 22 lai a hlawhchhuak. Team captain Alexander Lalrempuia'n a thiam thil a lantir nawn lehin point 11 a nei ve bawk. Chawnpui VR4 tan Lalnunmawia Sailo leh Lalthanmawia te'n an pahnihin point 23 a nei bawk.

League table-ah Chawnpui VR4, Behthlehem leh KK te point hmuh zat a inang vek a, score average aṭanga team khaikhinna neih hnuah Chawnpui chu pahnihna awm a, pathumnaah Bethlehem an awm a, palinaah KK an awm thung.

Team Dinhmun
# Team                                       Pld                    W                       L                          Pts
1 Tuikual South BC                       4                      4                        0                            8
2 Chawnpui VR4                           4                      2                        2                            6
3 BC Bethlehem                           4                      2                        2                            6
4 KK Basketball Club                    4                      2                        2                            6
5 Hollow BBSP                             4                      0                        4                             4

NIMIN Result kimchang

Hollow BBSP                    QTR                     Bethlehem BC
      22                              1st                               21
      20                              2nd                              23
      17                              3rd                              22
      18                              4th                              18
      77                            TOTAL                            84

Hollow BBSP
Zonunsanga                24 pts
Lalnunpuia                 17 pts
Lalṭhazuala                11 pts

Bethlehem BC
Lalruatfela Hnamte     20 pts
RL Famkima                16 pts
C. Lalrinnunga            12 pts

KK Basketball Club              QTR                    Chawnpui VR4
            19                           1st                             18
            18                           2nd                            15
            23                           3rd                             23
            21                           4th                             25
           14                            OT                              12
           77                          TOTAL                           82

KK Basketball club
Malthantluanga                   22 pts
Alexander Lalrempuia         11 pts

Chawnpui VR4
Lalnunmawia Sailo             12 pts
Lalthanmawia                    11 pts