Januzaj a lawm

Manchester United forward Adnan Januzaj chuan Leicester City an hneh ṭuma minute 90 chhung a khel thei chu lawmawm a tih thu a sawi.

Kum 19-a upa Januzaj hian tun season-ah vawi nga chiah starting eleven a la chang.

Januzaj chuan, "Khelhna hmun ka nei meuh lo a, minute 90 chhung ka khelh theih avangin ka lawm. A tawp lam minute 15 kha chuan ka chau tawh viau a, mah se ka tih tur angte erawh ka hlen thei thung. Kan team kha kan khel ṭha a, first half bik kha kan khel ṭha lehzual.," tiin a sawi.

Belgian forward chuan sawi chhunzawmin, "Goal thum aia tam khung thei turin chance kan nei. Thawhlehni (Cambridge nen) zanah goal kan khung zel theih ka ring a, kan chak ngei ka beisei bawk," tiin a sawi.

Manchester United hian Thawhlehni zan dar 1:15-ah Cambridge United nen FA fourth round replay an khel ang.