Bundesliga table mawngah Dortmund

Bay Arena-ah Inrinni zan khan goal awm loin Bayern Leverkusen leh Borussia Dortmund-te an inhnehtawk a, Bundesliga-mwngah an awm.

Dortmund hi an boss Jurgen Klopp-a hnuaiah Leverkusen lakah an la tlawm ngai lo. Marco Reus a dam tawh a, starting eleven-ah an player thar Kevin Kampl nen an tel nghal.

Beiseina sang tak nen Dortmund-in bul ṭan mah se mualneitu Leverkusen-in first half an thunun a, Gonzalo Castro goal thun tur chu goal line-ah Dortmund captain Mats Hummels-a'n a dang hlauh.

Dortmund tan Italian forward Ciro Immobile-a'n chance ṭha a nei a, Leverkusen keeper Bernd Leno-a'n a dan sak. Minute 90 chhungin goal a lut lo a, 0-0 in inkhel a tawp.

Table mawngphah ni chunga kum tawp khartu SC Freiburg-in an khelmualah Eintracht Frankfurt an sawp avangin 18-na dinhmun an chhuahsan a, table mawngah Borussia Dortmund an awm ta thung.

Borussia Dortmund boss Klopp chuan, "Point hlu tak kan hlawh­chhuakah ka ngai. Chak thei dinhmunah kan ding a, kan khelh danah ka lawm. Relegation battle team tan chuan game mawi tak khelh hi chu beisei chi a ni lo," tiin an dinhmun a hre chiang hle.

Kumin hi kum 30 hnua Borussia Dortmund-in season bul an ṭan chhiat ber ṭum a ni.