Ligue 1 pahnihna Marseille

2nd February, 2015

Zirtawpni zanah Paris Saint Germain-in Ezequiel Lavezzi goal hmangin Rennes an hneh a, Ligue 1 pahnihna an ni.

PSG hi pahnihna an ni rei lo, Inrinni zanah Marseille-in 1-0 bawkin Evian an hneh a, goal awmchhun hi Andre-Pierre Gignac thun a ni. Marseille hian point 47 an hmu a, PSG nen an point hmuh zat leh an goal difference inang chiah mah se goal an khung tam zawk avangin pahnihnaah an awm a, PSG pathumnaah an awm thung a, hmahruaitu chu Lyon an ni.

Marcelo Bielsa enkawl Marseille hian an khelmual Stade Velodrome-ah a zawnin vawi 11 an chak tawh.